Gioacchino Pellitteri : un sonetto al giorno

I muarti ‘Na vota, quannu era nicu nicu e tutti eranu poveri ‘i cristiani nun c’era gilusia, mancu allammicu, e si mangiava cu tumazzu e pani.Nun mi vriuagnu a dillu e vi lu dicu,cc’era cu dijunava iorna sani, la fami si tagliava cu lu picu e carni nun ci nn’era pi li mani.La notti ‘i tutti i santi, ‘u ritu é anticu, mittivanu li muarti, ‘i nanni anziani, intra li scarpi cosi dunci: ficu, miluna, puma, frutti marturani, e pua pupi di zuccaru e i carusi priavanu p’i nannu cu ssi scusi.